Робертсон пред заминување од Ливерпул – прави трансфер во голем ривал на „црвените“!

Откако летово Ливерпул го напушти Трент Александер-Арнолд, на прагот на заминување од редовите на „црвените“ е и уште еден бек, кој изминативе години стана легенда на клубот.

Според информациите на The Athletic, Енди Робертсон (31) наскоро ќе го засили составот на Тотенхем

🚨⚪️ Во тек се преговори меѓу Тотенхем и Ливерпул за Енди Робертсон.

Клубовите се во контакт бидејќи #THFC сака шкотски лев бек по повредата на Бен Дејвис, како што јавува @TheAthleticFC.

Разговорите денеска продолжуваат. pic.twitter.com/dPwGSNkMIV

— Fabrizio Romano (@FabrizioRomano) January 23, 2026

Преговорите меѓу двете страни активно се одвиваат оваа недела, и наскоро се очекува постигнување на конечен договор.

Тотенхем ќе го ангажира Робертсон како замена за Бен Дејвис, кој се здоби со сериозна повреда и го очекува подолг период на рехабилитација.

Робертсон последните девет и пол години беше дел од Ливерпул, за кои одигра 363 натпревари, постигна 12 голови и оствари 68 асистенции.

Со клубот од Енфилд, капитенот на шкотската репрезентација освои две титули во Премиерлигата и една титула во Лигата на шампионите. Оваа сезона, во плановите на тренерот Арне Слот, како прва опција на левиот бек се најде унгарскиот репрезентативец Милош Керкез.