РК Вардар потврди ново засилување и тоа од – Клоштад!

Вардар го освежи својот стручен тим со доаѓањето на нов асистент кој ќе му помага на Гиљермо Милано. Нови член на Вардар е Аугустин Франциско Бу кој пристигнува од Колштад, Норвешка каде работеше со норвешкиот младински шампион, но и со тимот на Бјасен како аналитичар на податоци.

Има и искуство со репрезентацијата на Аргентина во текот на изминатата година, анализирајќи различни податоци и соработувајќи со Гиљермо Милано.

Франциско Бу веќе подолго време е во Скопје, и работеше на подготовката на тимот за натпреварите со Алкалоид и со Мелсунген, кои ги добија „црвено-црните“.

Бу ќе биде дел од стручниот тим, а покрај него како асистент на Милано ќе биде и Стојанче Стоилов кој и досега беше на клупата на Вардар.