Познато кога Ѓоковиќ ќе започне со походот на 11. титула на Австралијан опен

Во понеделник од 9.00 часот наутро по средноевропско време, Новак Ѓоковиќ ќе игра меч од првото коло на Австралискиот опен со Нишеш Басавареди.

Иако моментално е само седмиот тенисер во светот, организаторите покажаа почит кон најуспешниот тенисер во историјата на нивниот турнир, десеткратниот шампион, така што го ставија во вечерен термин на најголемиот стадион.

„Не знам многу за Басавареди. Вчера првпат го гледав, играше полуфинале во Окленд. Видов дека е многу брз, има добро чувство за топката. Погодува места кои ги сака на сервисот, делува дека има комплетна игра. Дебитира на гренд слемовите, нема многу што да загуби, сигурен сум дека ќе биде мотивиран да испрати порака. Ќе морам да дадам сѐ од себе“, рече Ѓоковиќ за својот прв противник, 19-годишникот од САД.