Познат терминот за спектаклот меѓу Ѓоковиќ и Алкараз

Новак Ѓоковиќ и Карлос Алкараз ќе играат во вторник претпладне околу 10:30 по средноевропско време во четвртфиналето на Австралијан опен.

Претходно, од 9:00 според наше време, се сретнуваат Арина Сабаленка и Анастасија Пављученкова.

Дневната програма ја отвораат Коко Гоф и Паула Бадоса од 1:30 по наше време, по што следи дуелот меѓу Александар Зверев и Томи Пол.

Ѓоковиќ и Алкараз досега се имаат сретнато седум пати, а Новак води со 4-3, вклучувајќи победа во последниот меч на финалето на Олимписките игри минатата година.