Поранешниот селектор на Германија може да седне на клупата на репрезентација на која никој не очекува!

Легендарниот германски тренер Јоаким Лев е без ангажман од Европското првенство во 2021 година, кога по 15 години ја напушти клупата на германската репрезентација.

Со германскиот тим, Лев стана светски шампион во 2014 година, а наредната би можеле да го видиме на ново Светско првенство.

Имено, според медиумите во Азија, 65-годишниот Лев е во преговори со фудбалскиот сојуз на Узбекистан, кои сакаат токму тој да ја предводи нивната селекција на првото учество на Светско првенство.

Интересно е тоа што актуелниот селектор на Узбекистан, Тимур Кападзе, начелно се согласил да му го отстапи местото на Лев и да биде дел од неговиот стручeн тим.