Погба пред големо враќање: По три години го чека „посебно изненадување“

Монако реши конечно да му даде вистинска шанса на Пол Погба на зелениот терен. Според информациите од Франција, по три години, Погба конечно ќе биде во стартните единаесет.

Кога минатото лето Монако го донесе Пол Погба, се чинеше дека клубот од „Кнежевството“ доби играч кој може да го промени текот на сезоната.

Наместо враќање на врвот, следеше долга и тешка борба со повредите, ритамот и формата, поради што неговото влијание на теренот остана само во назнаки. Сепак, сега работите конечно се менуваат.

Според информациите од Франција, Погба вечерва против Мец би можел првпат по долго време да ја добие довербата од првата минута, што би претставувало еден од најзначајните моменти во неговата кариера во последните неколку години.