Падна нова „жртва“ во Манчестер: Аморим ќе избрка член на „старата гарда“ на Јунајтед

Манчестер Јунајтед најверојатно ќе биде подготвен да го пушти Маркус Рашфорд кога ќе се отвори јануарскиот трансфер период, бидејќи постојат шпекулации дека тој повеќе не е доволно добар за клубот.

„Црвените Ѓаволи“ изгледа се подготвени да се разделат со нивната ѕвезда од младинската школа, а тоа за Рубен Аморим ќе биде значителна финансиска поддршка за реконструкција на составот. Португалскиот тренер му даде минутажа на Рашфорд во сите пет натпревари откако дојде на тренерското столче на Јунајтед, но само двапати Англичанецот беше во стартната единаесетка.

Сепак, изгледа дека Расмус Хојлунд е првиот избор на Аморим за напаѓач, додека Алехандро Гарначо го задржа своето редовно место покрај капитенот Бруно Фернандеш, што значи дека повеќе нема место за Рашфорд во екипата.