Официјално: Интер доведе нов голман!

Италијанскиот голман Иван Проведел стана дел од Интер, објави клубот од Милано.

Проведел (32) пристигна од Лацио во трансфер вреден 3.000.000 евра и потпиша договор до јуни 2029 година, откако ги заврши медицинските прегледи.

Според италијанските медиуми, Проведел од мали нозе е навивач на Интер и веднаш ја прифатил понудата од миланскиот клуб штом му се укажала можност.

Се очекува сезонава да се натпреварува за првата позиција на голман со Жозеп Мартинез, по заминувањето на Јан Зомер.

Проведел својата кариера ја започна во младинските категории на Удинезе и Кијево, а играше и за Перуџа, Пиза, Модена, Јуве Стабија, Про Верчели и Емполи, пред да се афирмира во Специја.

Во летото 2022 година од Специја премина во Лацио за 2.550.000 евра.

Минатата сезона, во март, доживеа сериозна повреда на раменото, што изискуваше хируршка интервенција, и се очекува неговото враќање на теренот кон крајот на август. Поради тоа, не е сигурно кога ќе го има својот дебитантски настап за Интер.

Проведел редовно е дел од репрезентацијата на Италија, но сè уште нема официјален настап за националниот тим.

Date il benvenuto al nuovo Interista 🖤💙 pic.twitter.com/LSvi0i01wH

— Inter ⭐⭐ (@Inter) July 8, 2026