Oфицијално: Челси го доведе 11. фудбалер ова лето!

Екипата на Челси денеска го потврди и ангажманот на Пеп Чаварија од Рајо Ваљекано.

Дваесет и осумгодишниот Шпанец потпиша петгодишен договор со тимот од Лондон.

“Сините” за трансферот платија 16.3 милиони фунти, а можат да додадат и дополнителни 1.7 милиони во форма на бонуси.

Не е чудно да се очекуваат големи потези од Челзи, но фактот дека Чаварија е веќе единаесеттото засилување во ова трансферно лето е изненадувачки.

“Возбуден сум за оваа можност. Моето пристигнување во Челси е исполнување на сонот, бидејќи тоа е еден од најголемите клубови во светот. Ова е огромна шанса за мене и подготвен сум да вложам напори за да го помогнам тимот во достигнување на успех.

Многу луѓе ме поддржаа на мојот пат до овој момент во кариерата, па сакал би да им изразам благодарност на моето семејство. Без нивната поддршка, ништо од ова не би било возможно”, изјави новиот играч на Челси за клупскиот сајт.

Чаварија почна со кариерата во Фигерес, во четвртата лига на Шпанија.

Од своето деби на 18-годишна возраст, само две сезони беа доволни за значителен напредок. Во летото 2018 година се пресели во третолигашот Олот каде што одигра 52 натпревари пред да премине во Сарагоса, тогаш второлигаш.

Во летото 2022 година, уште еден чекор напред доведе до трансфер во Рајо Ваљекано, со кој минатата сезона играше во финалето на Лигата на конференции.

Welcome to Chelsea, Pep. ☕️ pic.twitter.com/oq1KPncIzs

— Chelsea FC (@ChelseaFC) August 12, 2026