Oфицијално: Шкендија купи поранешен играч на Ворскла

До стартот на преодниот рок има уште два месеци, но тимот на Шкендија веќе го обезбеди првото зимско засилување.

Шкендија денес потпиша договор со поранешниот фудбалер на Ворскла Полтава од Украина, Ардин Далку.

Овој фудбалер три недели тренери со Шкендија, а одигра и еден контролен натпревар. Сега тој добива договор и ќе се обиде да помогне на Шкендија која игра под сите очекувања оваа сезона. Тетовци после 11 кола заостануваат дури 10 бода од лидерит Вардар и Академија Пандев.

Далку во Ворскла беше од 2012 година каде што прво настапуваше за младинскиот погон. Од 2016 година беше член на првиот тим и настапи на 60 натпревари. Со Ворскла имаше договор до јуни оваа година, а во Шкендија доаѓа како слободен играч. Право за настап ќе има во пролетниот дел од сезоната.

„Среќен сум што ќе го носам дресот на Шкендија. Мотивиран сум за нов предизвик, Шкендија е тим со големи амбиции и ќе дадам се од себе за да помогнам тие да се исполнат“, изјави Далку.