Oфицијално: Жиру е нов играч на Милан

Францускиот напаѓач Оливие Жиру денес и официјално потпиша договор со Милан.

Жиру вчера допатува во Милано каде што успешно ги помина лекарските прегледи, а денес е претставен како ново засилување за „росонерите“.

34 годишниот напаѓач во Милан пристигнува од Челзи и потпиша договор на две години.

Челзи од продажбата на Французинот ќе инкасира два милиони евра. Во Милан Жиру ќе го носи дресот со број девет.