Михаел Шумахер, седумкратен светски шампион во Формула 1, повеќе од десет години живее надвор од јавната сцена поради тешката несреќа на скијање во 2013 година во францускиот Мерибел. Неговата здравствена состојба се уште е покриена од очите на јавноста, но легендата на Формула 1 не може да зборува, а нема ни потврда дека може да оди.
Како што пишува Daily Mail, францускиот новинар на L’Equipe, Стефан Л’Ермит, откри за RTL дека се појавил „позитивен сигнал“. Имено, Шумахер претходно оваа година потпишал кацига за добротворен настан, и тоа со помош на сопругата Корина. „Не знаеме дали му ја држела раката, но тоа е првпат по долго време да се појави конкретна трага од неговото учество,“ изјави Л’Ермит.
Данска vs. Македонија: Како тие се справуваат со отпадот, додека ние се расправаме кој е крив?
И покрај тој симболичен чин, Шумахер и понатаму бара постојана нега и е способен да комуницира само ограничено. „Ситуацијата е многу тажна. Целосно е зависен од неговите негуватели, а само блиските членови на семејството имаат пристап,“ изјави германскиот новинар Феликс Горнер.
Шумахер, еден од најголемите возачи во историјата на Формула 1, освои седум титули шампион и забележа 91 победа во кариерата која ги одбележа цела една ера на автоспортот.
Учество во игри на среќа е дозволено за лица со 18+ години. Играј одговорно!