Навивачите го провоцираа Роналдо со Меси: Погледнете како реагираше (Видео)

Кристијано Роналдо вчера повторно беше во центарот на вниманието. Неговиот Ал Наср убедливо со 4:0 го совлада Ал Васл во четвртфиналето на азиската Лига на шампиони 2, а португалскиот капитен го постигна водечкиот гол и на тој начин се доближи до бројот од 1000 голови во кариерата. Освен голот, натпреварот го одбележa и неговата реакција на провокациите од трибините.

41-годишниот Португалец ја отвори мрежата на противниците во 11-та минута по прецизниот центаршут на Бушал, постигнувајќи го својот 970-ти гол во кариерата. До крајот на натпреварот победата на Ал Наср ја потврдија Ињиго Мартинез во 24-та, Абдулелах Ал-Амри во 26-та и Садио Мане во 80-та минута.

Сепак, натпреварот го одбележа и инцидент што брзо се прошири на социјалните мрежи. Во обид да го испровоцираат, навивачите почнаа да го скандираат името на неговиот долгогодишен ривал Лионел Меси. Роналдо не ги игнорираше, туку им одговори пркосно. Првин го стави прстот на усните барајќи тишина, а потоа со гест им порача да се смират.

كريستيانو رونالدو يرد على جمهور الوصل بعد ترديد اسم ميسي 🥶#النصر https://t.co/2vu0bUqY9K pic.twitter.com/I9vNhBSyiI

— خالد بن فصلا | KF (@wlv_s1) April 19, 2026