Играчот од средниот ред на Интер, Давиде Фратези е меѓу главните трансфер цели на Наполи ова лето, а клубот од Неапол веќе ги направи првите чекори за да излезе пред конкуренцијата и да го привлече 25-годишниот фудбалер.
Италијанскиот репрезентативец повторно го привлече вниманието на почетокот на оваа недела кога го постигна победничкиот гол за Интер против Баерн Минхен во четвртфиналето од Лигата на шампионите.
Фратези е предмет на трансфер шпекулации уште од јануари кога се тврдеше дека сака да го напушти миланскиот гигант.
Засега не е јасен ставот на раководството на Интер за евентуална разделба од Давиде, а дискусиите за неговата иднина ќе бидат обновени на крајот од сезоната. Се верува дека клубот ќе бара сума од 35-40 милиони евра доколку реши да го продаде на лето.
Самио Фратези е незадоволен од статусот кој го има во тимот и сака да има поголема минутажа.
Фото: ФК Интер
Учество во игри на среќа е дозволено за лица со 18+ години. Играј одговорно!