Најскапиот играч на Челзи е веќе со една нога во Наполи

Рахим Стерлинг (31) е практично на излезни врати од Челзи и сè укажува на тоа дека неговиот следен чекор е Наполи.

По враќањето од позајмица во Арсенал без ни една минута на терен, е јасно дека за него на Стамфорд Бриџ веќе нема место, а “кралскиот” договор стана товар кој сакаат што побрзо да го тргнат од грбот.

Подно Везув го чека нова шанса. Антонио Конте го гледа Стерлинг како идеален проект за враќање на врвот, а контактите меѓу Наполи и агентите на Стерлинг веќе сериозно напредуваа.

Иако зделката сè уште зависи од излезните трансфери, името на Стерлинг е високо на листата на приоритети на актуелниот шампион на Италија.

Ако последните детали се договорат, Челзи ќе затвори една скапа епизода, а Стерлинг наскоро може да ја започне новата, италијанска фаза на кариерата.