Модриќ објасни зошто му се развикал на Винисиус!

Лука Модриќ беше главна ѕвезда во драматичната победа на Реал против Леганес (3:2), со што се пласираа во полуфиналето на Купот на кралот. Капитенот ги доведе гостите во водство од 1:0 во 18. минута со асистенција од Родриго.

Освен што постигна гол и одигра одлично сите 90 минути, Модриќ стана тема во шпанските медиуми поради тоа што при крајот на натпреварот му се развика на Винисиус, една од најголемите ѕвезди на тимот.

Откако Леганес ја надомести големата предност на Реал и се закани дека ќе го сврти резултатот во нападот што Реал успеа да го одбранат со расчистување на топката во корнер, капитенот се вознемири на Винисиус зашто не помогна на одбраната во таа акција.

Додека Модриќ по натпреварот даваше автограми на обожавателите и се сликаше со нив, еден го праша што се случило со Винисиус, а Хрватот му одговори: “Човеку, тоа се фудбалски работи! Гледаш се што не треба да видиш.”