Милан покажа сериозен интерес за напаѓач – наскоро ќе тргне во целосна офанзива!

Се очекува дека Милан наскоро ќе стапи во контакт со Манчестер Јунајтед во врска со ангажирањето на напаѓачот на англискиот клуб Маркус Рашфорд.

Милан е заинтересиран и за дефанзивецот на Манчестер Сити Кајл Вокер, но бидејќи секој клуб во Серија А има дозвола само за регистрација на еден англиски играч, доведувањето на Рашфорд е приоритет за италијанскиот клуб, пренесе денес „Скај“.

Борусија Дортмунд исто така е заинтересирана за Рашфорд, но се смета дека побараната плата на англискиот напаѓач би била проблематична за германскиот клуб.

Рашфорд пропушти претходните седум натпревари на Јунајтед, а тренерот на клубот од Манчестер, Рубен Аморим, рече дека не знае дали англискиот напаѓач ќе продолжи да биде дел од неговиот тим.