Meмфис и Милвоки победуваат и без најдобрите 🎥

Неочекувано лесно Мемфис го совлада Голден Стејт со 131:110 во дербито на Западната конференција изминатата вечер.

Мемфис ги доби Вориорси без својот најдобар играч, Џа Морант кој се уште е под суспензија поради скандалот кој го направи (со пиштол се појави во ноќен клуб). Натпреварот беше одлучен со одличниот напад на Мемфис во првата четвртина кога постигнаа дури 48 поени, а примија 28.

Се обидоа во продолжение гостите да се вратат, но Мемфис знаеше како да не дозволи пресврт и да го приведе натпреварот кон крајот.

И Милвоки победи без Јанис Антетокумпо и ттоа против Бруклин со 118:113. Милвоки првата четвртина ја доби со 37:20. Во продолжение гостите успеаа да се вратат, но не издржаа да парираат до самиот крај. Портис постигна 28 поени, а Лопез 24, додека на спротивната страна Милс беше најефикасниот со 23 поени.

НБА РЕЗУЛТАТИ:

Детроит – Шарлот 103-113, Индијана – Хјустон 134-125 (по прод.), Орландо – Јута 124-131, Мемфис – Голден Стејт 131-110, Милвоки – Бруклин 118-113, Сакраменто – Њујорк 122-117.