Магнус Карлсен ги продаде своите забранети фармерки за 36,000 долари

Поранешниот светски шаховски првак Магнус Карлсен (34) ги продаде своите фармерки.

Имено, на Норвежанецот му беше забрането да игра на Светското првенство во брзопотезен шах поради фармерките пред три месеци.

Ги продаде за 36,100 долари, а приходите беа донирани на хуманитарната организација „Големи браќа, големи сестри“, која поддржува деца и млади.

Да се потсетиме, на првиот ден од натпреварувањето во Њујорк, Карлсен се појави во играчката сала облечен во фармерки, што беше сметано за неприкладна облека од страна на организаторите на турнирот.

. @MagnusCarlsen’s famous jeans have officially sold for $36,100, with all proceeds going to charity!

Legendary moves 🤝 pic.twitter.com/jp2RHNVQLl

— Esports World Cup (@EWC_EN) March 1, 2025

Иако за тоа плати казна од 200 долари, од организаторот доби и ултиматум дека мора да ја смени гардеробата.

Но, Карлсен го одби тоa барање и поради тоа на крај беше дисквалификуван од натпреварувањето.

„Тие можат да ги спроведуваат своите правила, јас сум во ред со тоа, а мојот одговор е: ‘Добро, јас се откажувам. E..те се’“, порача тогаш Карлсен.