Maкедонските млади надежи во два натпревари примија девет гола

Репрезентацијата на Македонија на фудбалери до 17 години запиша убедлив пораз од Шпанија во претквалификациската група за пласман на Европското првенство.

Откако претходно бевме поразени од Словачка во првото коло со 4:0, сега Шпанија ни даде пет гола, а повторно ние не постигнавме гол. Со овој пораз македонските надежи ги загубија и така малите шанси за едно од двете водечки позиции за пласман во елитната фаза од квалификациите.

Победата на Шпанците во денешниот натпревар ја најавија Винета Пуенте и Пол Дуран уште во 5. и 8. минута. До крајот Пуенте постигна уште два гола, а еден беше дело на Фернандез Дуран за конечниот убедлив пораз.

Во последното коло од претквалификациите Македонија ќе игра против Малта за избегнување на последното место во групата.