Фудбалските надежи до 17 години ќе одиграат два натпревари против Кипар

Репрезентацијата на Македонија до 17 години ќе одигра два контролни натпревари против соодветната селекција на Кипар. 

Двата меча ќе бидат одиграни на 1 и 3. октомври во Никозија и претставуваат последна проверка пред квалификациите за пласман на ЕП кои на програмата се кон крајот на октомври во Исланд.

Селекторот на младата репрезентација на Македонија, Раде Каранфиловски се одлучи да ги повика следните фудбалери:

Антониј Трајковски, Стефан Стаматовски, Александар Трајков, Ристе Стоилов, Матео Кесиќ, Давид Ангелевски, Лорент Жаку, Блерон Бајрами, Александар Грашески, Бленди Ганиу, Алекс Запончек, Ненад Дамјановски, Христијан Јевтовски, Јован Мрмачовски, Флорент Османи, Алек Сиваков, Кристијан Марковски, Мартин Џангаровски, Стефан Бранковски, Андреј Ристовски, Иво Марковски