Mилевски утре го објавува списокот за Украина и Англија!

Македонската фудбалска репрезентација во јуни ја очекуваат два натпревари во квалификациите за Европското првенство, а утре ќе биде познато на кои фудбалери ќе смета селекторот Благоја Милевски за овој циклус.

Од Фудбалската федерација на Македонија денес потврдија дека Милевски утре ќе го објави составот за дуелите со Украина и Англија. На Украина ќе бидеме домаќини на 16-ти јуни, додека три дена подоцна ќе гостуваме на „Олд Трафорд“ на Англија.

Под голем знак прашалник за овој собир е напаѓачот Бојан Миовски кој заработи тешка повреда во настапот за Абердин.

Македонија во овие квалификации досега одигра еден натпревар и тоа против Малта која ја победивме дома со 2:1.