Ливерпул потпиша рекорден договор со „Адидас“, ќе добива повеќе пари

Англискиот фудбалски великан Ливерпул утрово го официјализираше потпишувањето на договорот со Адидас, кој ќе ги произведува дресовите веќе од следната сезона.

Ливерпул моментално е во шампионска форма и само чудо може да го спречи да ја освои титулата шампион на Англија. Сето тоа го прават во дресови од „Најк“, но од лето следи голема промена.

Германскиот производител на опрема „Адидас“ го потврди наутро потпишувањето на рекорден договор со Ливерпул, со што овој бренд се враќа на „Енфилд“ по 13 години пауза.

Ливерпул претходно носеше дресови од „Адидас“ од 1985 до 1996 година и од 2006 до 2012 година.

Иако финансиските детали не се потврдени, Ливерпул моментално од „Најк“ добива речиси 70 милиони евра годишно, според Џејмс Пирс од Атлетик. Во соопштението се наведува дека договорот со „Адидас“ ќе донесе значително зголемување на паричниот износ, па така е и дефинитивно рекорден.

Она што е интересно, е дека Ливерпул летово ќе настапува во дресови од два различни производители.

Бидејќи договорот со „Најк“ истекува дури на 1 август, Ливерпул во дресови од „Најк“ ќе ги помине подготовките и ќе ја започне претсезоната, а потоа пред почетокот на лигата ќе премине на „Адидас“.