Левандовски за првпат одговори за можниот трансфер во Италија!

Полскиот напаѓач и член на Барселона, Роберт Левандовски, одговори мистериозно на директното прашање од новинарите за тоа дали планира да ја напушти Каталонија по завршувањето на оваа сезона.

Познато е дека Левандовски има договор кој истекува на 30 јуни со Барселона, а и покрај фактот што сега има 37 години, интересот за неговите услуги не исчезнува.

Како потенцијални дестинации се споменуваат италијанските гиганти Јувентус и Милан.

На прашањето од полските новинари дали планира преселба во Италија, Лева кратко одговори:

“Ќе разговараме наскоро”, изјави мистериозно напаѓачот.

Да потсетиме, Левандовски оваа сезона постигна 17 голови во сите натпреварувања, од кои 12 се во Примера.