Конечно некој собра храброст: Компани со изјава која ќе ги налути сите во Реал Мадрид

Реал Мадрид беше елиминиран од Лигата на шампиони, а повторно „кралевите“ направија вистински „шоу“ по натпреварот.

Беа многу незадоволни со судењето, поточно фактот што Славен Винчиќ покажа црвен картон на Камавинга во 86-тата минута од натпреварот.

Жестоко протестираа кај судијата по натпреварот, а Винчиќ поради сето тоа покажа директен црвен картон на Арда Гулер.

Жестоки беа и коментарите на Алваро Арбелоа по натпреварот, кој имаше што да приговори на судијата од Словенија.

Ништо помалку фрустриран не беше ни Винсент Компани и покрај фактот што неговиот тим избори место во полуфиналето на Лигата на шампиони.

„Секогаш се трудам да бидам полн со почит и така бев и тука. Нормално е да кажам нешто тогаш. Нашиот играч лежи на земја, а тој му дава речиси “пет”. Го сакам Рудигер како дефанзивец, би направил потполно исто. Се разбираме, но сосема е нормално да кажам нешто. Жолтиот картон дојде пребрзо за мене.”

Компани исто така имаше што да им порача и на играчите на Реал Мадрид, и на нивниот тренер кои беа лути поради црвениот картон.

„Дали се лути во Реал Мадрид поради црвениот картон? Што да коментирам? Ако го гледавте натпреварот тогаш можеме да зборуваме и за други инциденти кои се случија,” рече тој.