Кокошков се враќа во Евролигата?!

Српскиот тренер Игор Кокошков би можел наскоро повторно да се врати во Евролигата и да потпише договор со Анадолу Ефес.

Според пишувањето на специјализираниот портал Basketball Sphere, Кокошков би можел да стане тренер на екипата на Анадолу Ефес.

Српскиот стручњак имаше желба да се врати во Европа, а турскиот тим е најблиску до тоа Кокошков да го преземе.

Ова не би било прв пат српскиот тренер да биде тренер на некој тим во Евролигата, бидејќи во сезоната 2020/21 беше шеф на стручниот штаб на екипата на Фенербахче.