Клоп направи скандал, па се извинуваше

Менаџерот на Ливерпул, Јирген Клоп направи скандал, откако го нарече Купот на Африкански нации мало натпреварување.

Тоа неизбежно предизвика реакција кај африканските новинари, кои го нападнаа на пресконференцијата после синоќешниот натпревар против Порто.

„Мислам дека тоа е навреда за играчите, фановите и луѓето на тој континент и сметам дека сте должни да се извинете“, истакна еден од новинарите.

„Не сакав да кажам дека тоа мал турнир, ниту дека Африка е мал континент. Можеби сте ме разбрале погрешно, но се извинувам. Навистина не мислев така“, одговори Клоп.