Казинс ја провоцираше публиката, па доби „бањање“ со пиво и тргна да се тепа (Видео)

Обезбедувањето и придружбата мораа да го задржат ДеМарксус Казинс (34) да не втрча во публиката и физички да се пресмета со гледачите за време на натпреварот. Некогашната ѕвезда на НБА лигата, сега член на порториканскиот тим Метс де Гвајнабо, се караше со гледачите, а при излез од арената тргна на тепачка со некои од нив.

Тоа се случи за време на натпреварот против Вајкерос де Бајамон во првенството на Порторико, а сето тоа ескалираше кога влегуваше во тунелот кон соблекувалната. Публиката тогаш започна да истура пијалак врз него што го налути до степен да се сврти и тргне кон нив.

Уште за време на натпреварот беше во судир со гледачите. Пред еден од нив се фати за меѓуножјето и тргна на конфликт пред да го спречат соиграчите, а бесот го презеде комплетно откако беше исклучен.

Y el #MotinAlert de hoy para nuestro pana Boogie pic.twitter.com/oplAZOI2Bg

— 12magnificos (@12magnificos) June 10, 2025

Фото: Принтскрин