Капело: Гвардиола е премногу арогантен

Манчестер Сити има само една победа во последните десет натпревари, запишаа седум порази и ја имаат најголемата криза во ерата на Гвардиола.

Сити синоќа беше поразен од Јувентус, а по натпрварот легендарниот Капело испрати критики кон Гвардиола.

„Гвардиола е одличен тренер, но многу арогантен и претенциозен. Понекогаш дури губел трофеи бидејќи сакал да покаже дека тој ги освојува, а не играчите, и поради тоа исклучувал клучни играчи во големите натпревари. Според мене, овде станува збор за одземање на заслугите на тимот и пренасочување на вниманието кон себе“, изјави Капело за „Скај Спорт Италија“.

Капело, исто така, упати критики и кон голманот на Сити, Едерсон, кого го оцени како „катастрофа“.

Едерсон има талент, но е толку арогантен што прави грешки само поради претерана самодоверба и желба да се истакне“.