„Каде е Меси, нека биде и тој во ВАР-собата“: Објавата на ФИФА предизвика хаос на мрежите, ја видоа повеќе од 30 милиони луѓе

ФИФА ги објави судиите за дуелот помеѓу Франција и Мароко, а одлуката сите арбитри да бидат од Аргентина, предизвика бура на социјалните мрежи.

ФИФА ја објави судиската постава за големото четвртфинале меѓу Франција и Мароко, а таа одлука предизвика лавина реакции низ светот – бидејќи сите пет членови на судискиот тим ќе бидат од Аргентина.

Главен судија на натпреварот во Бостон ќе биде Факундо Тељо, а негови помошници ќе бидат Хуан Пабло Белати и Габриел Чаде. Четврти судија е Дарио Ерера, а резервен е Кристијан Наваро – сите од Аргентина.

Одлуката на ФИФА веднаш стана вирална и предизвика бура меѓу навивачите. Социјалните мрежи се вжештија, а многумина изразија незадоволство поради фактот што целокупниот судиски тим доаѓа од државата на актуелниот светски шампион.

„ФИФА повеќе не крие, зошто не го воведете и Меси во ВАР-собата”, „Сите аргентински судии за натпреварот Франција, ова нема смисла” и „Нема шанса да ги побиете обвиненијата после ова”, „Срамота, сè местите за Аргентина” – се само некои од реакциите кои се појавија покрај објавата на ФИФА која ја виделе повеќе од 30 милиони луѓе.