Фудбалерот на Барселона, Ламин Јамал, се огласи по елиминацијата на Барселона од Лигата на шампионите, ветувајќи им на навивачите дека клубот ќе се врати на врвот на европскиот фудбал.
Младиот крилен играч објави порака на социјалните мрежи по поразот од Атлетико Мадрид, заедно со фотографија од теренот на стадионот Метрополитано.
Исхрана, повреди и тренинг – совети од доктор по спортска медицина | Уште еден поткаст
„Ние сме Барселона и ќе се вратиме таму каде што припаѓаме. Родителите ме научија да го држам зборот… и ќе го вратиме трофејот во Барселона“, изјави Јамал.
Тој додаде дека елиминацијата не е крај на патот и дека тимот мора да продолжи да напредува.
„Се трудевме колку што можевме, но тоа не беше доволно. За да се стигне до врвот, треба да се оди од чекор по чекор и знаеме дека нема да биде лесно, ниту некој ќе ни го олесни патот. Но, откажувањето не е опција“, рече тој.
Јамал истакна дека верува во напредокот на тимот и дека од секое искуство ќе ја извлечат поуката.
„Имаме многу причини за оптимизам и ќе продолжиме со полна сила. Секоја грешка е лекција и сигурно ќе научиме од секоја”, заклучи младиот фудбалер.
Учество во игри на среќа е дозволено за лица со 18+ години. Играј одговорно!