Jувентус реагираше: Погба не смее да доаѓа ниту на тренинзите

Oткако вчера се потврди позитивниот допинг-тест на Пол Погба, Јувентус му забрани да тренира со остатокот од екипата и му ја суспендираа скоро целата плата.

Погба падна и на вториот допинг тест поради што се очекува да добие долгорочна суспензија од фудбалот од две или три години која практично би можела да значи и крај на неговата кариера.

Според информациите на „Л’Екип“ во наредните денови Јувентус ќе се обиде да го раскине договорот со Погба кој има важност до јуни 2026 година. Во Јувентус веруваат дека можат да го расикнат договорот без обврска да му ја исплатат загарантираната сума во договорот.