Италија се „тресе по голема судиска афера: Во фокусот е тајна средба во Милано

Италијанската фудбалска сцена е потресена од голема афера поврзана со судењето, а истрагата станува се посериозна и отвора бројни прашања. „Газета дело Спорт“ информира дека сè започнало откако под лупата се најдоа водечките луѓе на италијанската судиска организација.

Прво се повлече шефот за делегирање на судии Џанлука Роки, кој е под истрага поради сомневање за соучество во спортска измама, а потоа и супервизорот Андреа Џервасони, кој исто така е предмет на истрага поради наводно недозволено интервенирање во ВАР собата во текот на март 2025 година.

Но, ова е само почеток на многу поширока приказна што ја води обвинителството во Милано, а за разбирање на целиот случај треба да се вратиме на минатата сезона.

Обвинителот Маурицио Аскјоне на Роки му става на товар три точки од обвинението, а клучната е поврзана со сомнение дека ги делегирал судиите кои му одговарале на Интер. Но, на прв поглед се појавуваат сериозни нелогичности.

Како што истакнува медиумот, еден од клучните елементи на обвинението се однесува на судијата Даниеле Довери, за кого се тврди дека не бил „пожелен“ за Интер.

Меѓутоа, фактите зборуваат поинаку – Довери судел дури пет натпревари на Интер во сезоната 2024/25.

Се споменува и наводен договор од првиот натпревар од полуфиналето на Купот на Италија на Сан Сиро (2 април), според кој Довери требало да суди и во реваншот за да се избегне „непосакуван“ судија во понатамошното натпреварување.

Дополнително, „Газета“ поставува логично прашање. Ако целта била да му се помогне на Интер, дали „непожелен“ судија би бил делегиран за исклучително чувствителен натпревар како градскиот дерби во реваншот од полуфиналето на Купот на Италија?

Во фокусот е и наводна средба на Сан Сиро за време на која, според сомневањата, се договарале делегациите на судиите. Но, Gazzetta dello Sport нагласува дека за таков настан нема конкретни докази.

Прашањата се многубројни, каде може воопшто да се одржи таков разговор на стадион со повеќе од 67 илјади гледачи, и во чие присуство?

Паралелно со Роки, под истрага е и Андреа Џервасони поради наводно надворешно интервенирање во ВАР собата за време на натпреварот од Серија Б помеѓу Салернитана и Модена.