Хит снимка од Сплит: Уапсен навивач со лисици побегна на полицијата (Видео)

Хајдук и Динамо се среќаваат од 16 часот во еден од најважните дерби натпревари последниве години. Двата тима жестоко се борат за титулата шампион на Хрватска, а проблем им создава и Риека, па така три тима имаат реални шанси да го подигнат трофејот на крајот од сезоната.

И покрај строгите мерки за безбедност, полицијата не успеала да спречи голем договорен навивачки судир кој утрово се случил на местото Пујанке во Сплит.

Таму 80 гостински навивачи излегле на мегдан со приближно 200 навивачи на Хaјдук. На крајот, според информации од локалните медиуми, групата гостински навивачи завршила со повреди.

Во службените простории на сплитската полиција веќе е доведена голема бројка на навивачи кои учествувале во тепачката, но некои успеале и да побегнат.