Голема тепачка на крајот од дербито меѓу Рома и Лацио (Видео)

Девет жолти и два црвени картони подели судијата Луца Паирето на дербито Рома – Лацио (2:0) во 19. коло од Серија А. Натпреварите меѓу најголемите ривали секогаш се полни со тензии, а често и со инциденти, а овојпат беше забележан еден од најголемите во последните години. Во судиското продолжение на римското дерби, блиску до центарот се судрија одбранбениот играч на Рома Матс Хумелс и напаѓачот на Лацио Валентин Кастељанос.

По контактот, двајцата паднаа на тревата. Потоа се кренаа и Хумелс го турна Кастељанос, на што овој одговори. Германецот потоа се фати за главата и падна на тревникот. 

Тоа беше повод за сите играчи од двете екипи, од теренот и од клупата, да дотрчаат на местото на судирот и да започнат тепачка, турканици и огромен метеж. Судијата и неговите помошници се обидуваа да воспостават ред, но тоа беше невозможно во хаосот поради толку многу учесници.

Крај! 🐺
#РомаЛацио pic.twitter.com/kgUJVtw0P3

— Daniel Konečný (@DanielKonecny23) January 5, 2025