Флорентино Перез: „Имам повеќе европски титули од Барселона во нејзината историја“

Претседателот на Реал Мадрид, Флорентино Перез, се обрати во емисијата „Ел Чирингито“ откако распиша избори во клубот и одговори на бројни критики кои во последно време му се упатуваат.

Перез ги отфрли обвинувањата дека е уморен и дека размислува за повлекување, истакнувајќи дека сака да продолжи да го води Реал Мадрид и да освојува нови трофеи.

„Во мојата кариера освоив повеќе европски титули отколку што Барселона има во својата историја. Но, ни тоа не е доволно за некои“, рече Перез.

Тој нагласи дека се води организирана кампања против него и клубот, и дека медиумите создале „непријателска атмосфера“. Перез исто така издвои дека Реал Мадрид останува финансиски стабилен без оглед на критиките.

Говореше и за сезоната без поголеми трофеи, но потсети дека клубот го освои Европскиот суперкуп и Светското клупско првенство.

Без воздршка потсети и на некои од најголемите засилувања што ги донесе во клубот, што во негово време, Реал Мадрид донесе ѕвезди како Фиго, Кака, Бекам и како што тој рече, „дебелиот“ Роналдо.

Перез се осврна и на случајот со Негрејра, велејќи дека е „најголем корупциски скандал во светот на фудбалот“ и додаде дека Реал Мадрид е единствениот клуб кој покрена правен процес против Барселона.

Претседателот на Реал се осврна и на Килијан Мбапе, кажувајќи дека Французинот постигнува голови, но дека екипата и понатаму има простор за напредок. Исто така, најави нови засилувања во текот на летото.