Флик предупредува: Фудбалот е луд спорт!

Барселона одигра скоро совршен натпревар против Борусија Дортмунд во четвртфиналето на Лигата на шампионите.

Каталонците славеа со резултат 4:0 и скоро сите веќе ги гледаат меѓу четирите најдобри екипи на Стариот континент.

Сепак, Ханси Флик, стратегот на Барселона, не го дели тоа мислење.

„Не сме во полуфинале и тоа треба на сите да им биде јасно. Супер е што постигнавме четири гола, што игравме добро, но не ми се допаѓа атмосферата како да сме веќе во полуфинале. Фудбалот е луд спорт, се случувале и поголеми чуда. Затоа мора во реваншот да бидеме сериозни и внимателни,“ истакна Флик.

Кон крајот на натпреварот, германскиот стручњак го извади од игра Ламин Јамал поради повреда.

„Сѐ е во ред со Ламин. Одигра многу натпревари и нормално е да чувствува болка. Ќе биде подготвен за следниот натпревар,“ заклучи Флик.