Бунт на „Олд Трафорд“: Незадоволна група фудбалери му го врти грбот на Аморим

Голем број од најголемите ѕвезди во тимот на Манчестер Јунајтед се загрижени поради Рубен Аморим и неговите тактики за натпреварите.

Според тврдењата на англиските медиуми, дури и некои победи на Манчестер Јунајтед не се благодарение на тренерот.

Откако Аморим пристигна во Манчестер Јунајтед, овој клуб оствари девет победи, три нерешени и девет порази.

Се очекуваше дека неговото доаѓање ќе донесе пресврт во сезоната, но тоа не се случи и оваа екипа се наоѓа на 15. место на табелата, а неодамна загубија со 0-1 на гостувањето кај Тотенхем.

Штом дојде на клупата на Манчестер Јунајтед, Аморим започна со наметнување на неговата формација 3-4-2-1 иако нема фудбалери за тој систем на игра.

Како што тврдат новинарите на „Дејли Мејл“, ѕвездите на Манчестер Јунајтед одржаа внатрешна средба за да ги решат проблемите кои ги имаат и поради кои играат лошо.

На крајот од средбата, беше заклучено дека Аморим треба да покаже повеќе флексибилност во неговиот пристап, како и во неговите тактики.

Играчите од ден на ден ја губат вербата во Рубен Аморим и неговиот начин на водство на клубот, а тоа е јасно проблем за сите, особено за Манчестер Јунајтед.