Од Барселона го насочиле вниманието кон напаѓачот на Атлетико Мадрид, Александер Сорлот, тврди новинарот Матео Морето. Високиот Норвежанец постигна 17 голови сезонава, но не може да се каже дека е прв избор во плановите на Диего Симеоне.
Зошто проблемот со улични кучиња СÈ УШТЕ постои? | Уште еден поткаст
На “Камп Ноу” се импресионирани од ефикасноста на фудбалерот, кој може да биде наследник на Роберт Левандовски, чиј договор истекува на лето.
Освен тоа, каталонците имаат уште еден мотив да го сакаат Сорлот во својот состав: тој е особено опасен против Барса со седум гола и три асистенции во 15 натпревари против шампионите. Само во изминатите битки во Лигата на шампионите тој го постигна едниот од головите за победата на својот тим од 2:0 како гостин во првиот натпревар, а потоа му извади црвен картон на Ерик Гарсија во реваншот.
И сепак, на масата стои прашањето за сумата за евентуална зделка со Атлетико. Скандинавецот има договор до 2028 година, што не е добра вест за Барселона. Во изминатите месеци се појавија информации за интерес кон Сорлот од страна на Јувентус, Њукасл и Фенербахче.
За него Атлетико плати 32 милиони евра на Вилјареал во летото 2024 година. Освен тоа, тој ќе биде на Мондијалот летово, што може да му ја зголеми цената при добро претставување со тимот на Норвешка.
Учество во игри на среќа е дозволено за лица со 18+ години. Играј одговорно!