Барселона апсолутен фаворит во ЛШ, Реал Мадрид нема да го елиминира дури ни Арсенал

Утре започнуваат четвртфиналните дуели во Лигата на шампионите, кои се очекуваат со голем интерес, а суперкомпјутерот на популарниот извор за статистички податоци “Опта” ги ажурира своите прогнози за она што претстои да го видат нивните обожаватели.

Британската технолошка фирма смета дека Барселона, која во оваа фаза на турнирот ќе се соочи со Борусија Дортмунд, има најголеми шанси од 23% да го освои натпреварувањето. Сите резултати претставени од “Опта” се базираат на над 10.000 различни симулации, кои конечно ги дале последните прогнози. Втор во предвидувањата е Пари Сен Жермен со малку над 19%, што значи дека Луис Енрике можеби ќе се соочи против својот поранешен тим.

Во предвидувањата на Британците можеби најзабележителна и изненадувачка е прогнозата за Реал Мадрид. “Лос бланкос” се само на пето место, а шансите за нивно напредување дури и во следната фаза на турнирот по дуелите со Арсенал не се оценети многу повисоко од оние на “топчиите” (предвидувањето покажува 50.2% за мадридчаните и 49.8% за лондончаните). Още пониски се оценети шансите на Реал за триумф во натпреварувањето со само 12.2%.

Предвидувањата на “Опта” се за полуфиналиња Арсенал – ПСЖ и Барселона – Интер. Шансите на “нероазурите” исто така се оценети повисоко од оние на Реал Мадрид за успех во турнирот, а како апсолутен аутсајдер уште на четвртфиналите се смета Борусија Дортмунд.