Баерн сака да го купи новиот бисер на Штутгарт

Фудбалерот на Штутгарт, Ник Волтемад, е на мета на лидерот на германското првенство Баерн, според информациите на Скај Спорт.

Волтемад има 23 години и игра како напаѓач и офанзивен играч за врска.

Минатата сезона тој се истакна како редовен и важен член на Штутгарт, додека оваа сезона целосно блесна и го привлече вниманието на љубителите на фудбалот, но и на гигантите.

Ник е висок 198 сантиметри и за неговата градба е неверојатно вешт со топката.

Физички е способен да биде играч околу кого се вршат акциите , но во последните месеци особено се истакна со доброто позиционирање и со вештината што ја покажува кога ја презема топката меѓу линиите на противничкиот тим, дури и кога е опкружен со противници.

Волтемад досега има одиграно 24 натпревари во сите натпреварувања оваа сезона. Германецот постигна 12 голови и запиша уште три асистенции.

Баерн е во потрага по играч кој би бил резервна опција за стартниот напаѓач Хари Кејн.

Штутгарт е на 10-то место на табелата со 37 бодови.

Екипата на Хоенес има заостаток од осум бодови зад Ајнтрахт кој е на четвртото место – најниското кое гарантира пласман во Лигата на шампионите наредната сезона.