Американец го критикува Јокиќ: „Еве зошто Србинот не треба да биде MВП“

Додека Никола Јокиќ продолжува да доминира во НБА лигата и со лекота постигнува трипл-дабл учиноци, сè погласни се оние кои сметаат дека Србинот оваа година сепак не треба да ја понесе титулата најкорисен играч на сезоната.

Еден од најгласните критичари е НБА аналитичарот Џејсон Тимф, кој преку мрежата “X” изнесе остри забелешки на сметка на неговото играње во одбрана.

— Јокиќ потполно се откажа од играње во одбрана во втората половина од сезоната. Најлошата дефанзивна работа што сум ја видел од него — напиша Тимф, и додаде:

— Да, тој сè уште е најдобриот играч на светот. Да, знам дека може да биде добар дефанзивец. Но не, не треба да го освои MВП признанието оваа година.