Aртур бил „планот Б“: Ливерпул во последниот ден од преодниот рок понудил 100 милиони евра за играч на Реал

Во последните моменти од преодниот рок Ливерпул го доведе Артур на позајмица од Јувентус.

Јирген Клоп беше во потрага по играч кој може да го освежи средниот ред и да ја подобри играта. Сега се појавија информации дека прва желба на Клоп бил Федерико Валверде од Реал Мадрид.

Шпанските медиуми пренесуваат дека Ливерпул во последниот ден од преодниот рок тргнал во офанзива на играчот на Реал Мадрид и понудата која ја испратиле била 100 милиони евра, сепак во Реал не ни размислувале и веднаш истата ја одбиле.

Валверде е недопирлив во Реал Мадрид и клубот би го продал веројатно само ако тој самиот изрази желба да замине, во секој друг случај има статус на недопирлив.

Неговиот актуелен договор има важност до август 2027 година и од тимот од Шпанија се сигурни дека барем уште неколку години ќе го имаат овој фудбалер на располагање.