Зидан негира: Мората не мисли на заминување!

Медиумите во Шпанија изминатите денови едногласно тврдеа дека Мората не е задоволен од третманот на „Сантиаго Бернабеу“ и на крајот на сезоната ќе ја промени средината.

Мората постојано се поврзува со трансфер во неколку европски гиганти, особено со Челзи кој е спремен да плати 60 милиони евра за неговиот потпис.

„Сметам дека Моратa е оддаден на она што го прави. Тој сака да игра повеќе како секој друг фудбалер. Тој ќе добие минути на теренот, но не знам колку. Мората не мисли за напуштање, бидејќи тука е неговиот дом“, коментира Зидан.

Сепак, иако Зидан негира, медиумите упорно тврдат дека Мората не е задоволен од малата минутаќа и следното лето ќе го напушти „Сантиаго Бернабеу“.