Официјално: Роналдињо се врати во Барселона!

Легендарниот фудбалер на Барселона, Бразилецот Роналдињо, се врати на „Ноу Камп“ скоро девет години од неговото заминување од клубот.

Роналдињо за Барселона има одиграно преку 200 натпревари, а сега неговата улога ќе биде амбасадор на клубот со цел да ги промовира проектите на клубот низ целиот свет.

„Роналдињо ќе биде амбасадор и преставник на клубот на различно манифестации и активности поврзани со клубот во наредните години“, објави клубот на својата интернет страница.

Бразилецот, во новата улога на медиумите ќе им биде преставен денес на прес конференција, кога тој ќе се обрати на јавноста и навивачите.