Играше за Барса, го споредуваа со Роналдо, а денес стана рекордер на Вулверхемптон

На некои фудбалери патиштата се навистина чуди…

Барселона многу очекуваше од Адама Траоре го споредуваа и со Бразилецот Роналдо, а денес заврши во Вулверхемптон.

Траоре за сума од 23 милиони евра потпиша договор на пет години со клубот од Премиер лигата, а таа сума претставува рекорд во историјата на овој клуб.

Траоре потекнува од фудбалската школа на Барселона, одигра и четири натпревари за првиот тим, а пред Миделсброу настапуваше како позајмен во Астон Вила.

Многумина Траоре со Роналдо го споредуваа после неговиот гол против Хуеска кој Барселона го победи со 8:1.

Крилниот играч е петто засилување за Вулверхемптон, претходно пристигнаа Руи Патрисио, Жоа Мутињо, Џони Кастро и Раул Хименез.