МЗТ побогат за уште едно ново име

Македонскиот вицепрвак, МЗТ Скопје донесе уште едно засилување.

Се работи за Андреј Магдевски, 22-годишниот плејмејкер кој настапуваше претходно за Фени Индустри и Гостивар, но сепак и покрај тоа што беше поврзуван со МЗТ и порано, тој одлучи сезонава да го облече дресот на Аеродромци.

Магдевски беше дел од младинската школа на Реал Мадрид, а пред да се врати во Македонија го носеше и црно-белиот дрес на белградски Партизан.

Со најновиот ростер, тренерот Ѓорѓи Кочов, сега на располагање има десет квалитетни имиња кои рамноправно ќе конкурираат за минутажа на средбите од АБА2-лигата и двете домашни натпреварувања.