Челзи ги обнови преговорите за Куртоа

Челзи ги обнови преговорите со Реал Мадрид за Тибо Куртоа, пренесуваат англиските медиуми.

Според „Скај Спорт“ Челзи нема да се раздели со Куртоа додека не најдат негов заменик. Цената на Белгиецот во моментов изнесува 35 милиони евра, а Реал Мадрид е спремен да ја плати веднаш.

Доколку „сините“ не најдат замена Куртоа ќе треба да остане и да ја одработи последната година од договорот со Челзи, а потоа следното лето може да замине без обештетување.

Од „Стенфорд Бриџ“ се уште се надеваат дека мжожат да го убедат Белгиецот да потпише нов договор, но тоа е малку веројатно.

Минатата сезона Куртоа запиша 46 меча за Челзи и беше избран за најдобар голман на Светското првенство во Русија.