Модриќ: Англичаните не потценуваа, но со тоа само не мотивираа!

Една од најголемите ѕвезди на Хрватска и архитектот на историскиот успех на „коцкестите“ Лука Модриќ е воодушевен од историскиот успех и смета дека неговата репрезентација може да го освои златото.

Модриќ после натпреварот се осврна на англиската фудбалска јавност која ги „потценуваше“ изминатите денови и истакна дека тоа за нив било митив плус да ги демантираат.

„Доминиравме во физичка и ментална смисла. Доминиравме во секој аспект. Новинарите од Англија и стручните коментатори ја потценија Хрватска и тоа беше голема грешка. Само дополнително не мотивираа со глупостите кои ги кажаа. Читавме што пишуваа и си велевме, „ОК, ќе им покажеме кој е уморен“. Треба да бидат поскромни и да покажат поголема почит кон противниците“, истакна Модриќ.

„Одигравме феноменално по примениот гол. Комплетно ги надигравме, посебно во вториот дел, покажавме карактер и остваривме историски успех. Од кога играм фудбал не сум почувствувал вакво нешто. Носам некоја огромна верба во себе, во соиграчите, која ми дава сила и за финалето“, заклучи Модриќ кој на крај истакна дека не го интересира „Златната топка“ туку само победа во финалето.