Официјално: Луис Нани се врати „дома“

После 11 години, Луис Нани се врати во клубот кој го лансираше во фудбласката орбита.

Повеќенеделните преговори беа успешно завршени и Португалецот потпиша договор на две години со клубот од Лисабон.

Овој трансфер е големо олеснување за Валенсија која едвај чекаше да се ослободи од неговата плата која изнесуваше 2.5 милиони евра и која премногу го оптеретуваше клупскиот буџет.

Нани минатата сезона ја помина позајмица во Лацио каде што не остави посебен впечаток, па клубот од Рим не се одлучи да го откупи неговиот договор.

Поради тоа Валенсија се согласи да го пушти за „џабе“. Со оглед на тоа Португалците не плаќаа оштета, прифатија Нани да ја добива истата плата како и во шпанскиот клуб. Во неговиот договор ќе нема фиксна откупна клазула.

Португалецот е шесто засилување за Спортинг ова лето. Пред него пристигна Марсело (Рио Аве), Жатоба (Динав), голманот Вивиано (Сампдорија), Рафиња (Виторија Гуимараеш) и Бруно Гашпар (Фиорентина).

Nani returns on a free (no transfer free) after agreeing with a deal with Valencia. He signed a 2 year contract, valid until June 30th, 2020. There was no release clause in the contract. pic.twitter.com/J0XlXiDNjP

— Sporting160 EN (@Sporting160EN) July 11, 2018